小蛙園

和很久沒見的好姊妹開開心心吃飯，就給牠狠狠的劃下掃慶的句號

我們一行３人到新世紀的峇里園吃晚飯，一邊吃一邊聊

食物好吃，我們也聊得很盡慶，吃完東西大家都叫了一壺飲品繼續我們的聊天

但當ｋ小姐喝到差不多最後，她突然發現「點解柑桔蜜會有黑色野？」

因環境極暗，我和她一起烏個頭埋去一望「頂！曱甴黎架！」張相既小強看似好細，只因我手提影得唔好，現實係佢係一整隻小強浮浮下，睇落去仲有ｄ浸左好耐果ｄ感覺．．．．極度嘔心．．天啊！

我們當然搵經理，佢話放左假，咁搵個話得事既黎丫唔該，擾擾攘攘一輪，有個男人走埋黎話如果我朋友有咩事要醫生醫藥費佢地會付責同埋wave我地今餐張單，咁我梗係同佢講寫返張紙作實啦，就係因為要求佢地寫張紙，又拖我地十幾二十分鐘，中間仲搵個黑口黑面既女侍應黎要求我朋友比身分証佢影印，無野啊！家陣你地堂堂大餐廳一碟野八九十蚊比ｄ曱甴柑桔蜜我地飲，仲要我地ｉｄ！況且呢ｄ私懚實在係點都唔會比囉，根住個男人又黎又話驚個個拎張紙黎都要佢賠咪唔得掂，最後我地妥協比個名同ｉｄ頭３粒字。

跟住又等．．．佢又話負責人會返黎叫我地等下．．．ｏｋ！！我地等囉．．．．等等等等左十五分鐘，前前後後加埋等左四十五分鐘咁滯，我地極度無耐性啦！中間仲搵定食環署既電話，終於阿付責人出現，呢個都總算似返ｄ樣，先了解左咩事跟住ｓａｙ　ｓｏｒｒｙ比埋卡片我地同我地講「我係呢度負責人，小姐如果你今晚有咩事，甚至呢幾日有咩事都一定要去睇醫生，所有費用我地一定負責，你有咩事可以隨時打我電話，我２４小時都開機既」呢ｄ咪真係負責人囉，條氣點都順返ｄ啦！

不過我地亦不忘再話佢地要注意衛生，一壺野飲仲要咁淺色既有隻小強係度浮浮下真係好難接受囉。點都好啦～呢間野真係無膽再去。

我都不禁同ｋ小姐講，我成世人都未試過ｄ咁野，連去大排檔都未試過，我既第一次就咁比左佢．．哈哈